Siggi Sigurjóns fer í Hörpuna

Sigurður Sugurjónsson. Lj.tonhus.is

Svæðistónleikar Nótunnar 2013 fyrir Norður- og austurland voru haldnir á Egilsstöðum um helgina.

23 tónlistaratriði tóku þátt í keppninni og fjögur þeirra komur frá Tónlistarskóla Húsavíkur. Sjö atriði komust áfram í lokakeppnina sem fer fram í Eldborgarsal Hörpu þann 14 apríl nk.

Níu atriði fengu viðurkenningar og voru tvö þeirra frá Tónlistarskóla Húsavíkur.

Sigurður Sigurjónsson gítarleikari lék lagið Rondo eftir M. Gulliani og skilaði það honum í Hörpuna í apríl.

Þá fékk gítarsveit Öxarfjarðarskóla viðurkenningu en sveitina skipa þau Unnar Þór Hlynsson í Kelduhverfi, Arnon Sankla Isaksson Kelduhverfi, Emil Stefánsson, Öxarfirði og Alma Lind Ágústsdóttir Kópaskeri.

Glæsilegur árangur hjá þessu unga tónlistarfólki okkar.