Sex leikmenn skrifuðu undir samning - Hafþór Mar aftur í Völsung

Sex leikmenn Völsungs í meistaraflokki karla skrifuðu undir nýja samninga við félagið í gærkvöldi.

Þetta voru þeir Aðalsteinn Jóhann Friðriksson, Bergur Jónmundsson, Bjarki Baldvinsson, Gauti Freyr Guðbjartsson, Ófeigur Óskar Stefánsson og Sæþór Olgeirsson.

Allir eru þessir drengir uppaldir í Völsungstreyjunum og á heimasíðu félagsins segir mikil gleði ríki yfir því að Völsungur hafi tryggt sér þjónustu þessara drengja á komandi keppnistímabilum. 

"Við getum öll reiknað með að framlag þessara pilta til félagsins verði mikið enda Völsungshjartað stórt og slær í takt við félagið". Segir í fréttinni en þar kemur einnig fram að reikna megi með því að penninn verði áfram á lofti á næstunni en samingamál leikmanna eru í markvissri vinnu.

Leikmennirnir sex sem skrifuðu undir við Völsung í gærkveldi.

Efri röð fv. Sæþór Olgeirsson, Bergur Jónmundsson og Ófeigur Óskar Stefánsson.

Neðri röð fv. Bjarki Baldvinsson, Aðalsteinn J. Friðriksson, Júlíus Bessason knattspyrnuráði og Gauti Freyr Guðbjartsson.

Þess má einnig geta að Hafþór Mar Aðalgeirsson er genginn til liðs við Völsung að nýju og verður gaman að sjá hann á Húsavíkurvelli að nýju ef endurhæfing gengur eftir. (volsungur.is)