Samstarfssamningur Norðurþings og Völsungs staðfestur

Kristján Þór og Lilja takast í hendur.

Á fundi sveitarstjórnar Norðurþings þann 22.janúar var staðfestur samstarfssamningur á milli Norðurþings og Íþróttafélagsins Völsungs.

Markmið samningsins er meðal annars að skapa Völsungi aðstæður til að bjóða uppá fjölbreytt og öflugt íþróttastarf og reka félagsaðstöðu sína í vallarhúsi við Húsavíkurvöll.

Samningsaðilar og aðrir hagsmunaaðilar sameinast um að hefja hugmyndavinnu að þróunarstarfi í samstarfi við leik- og grunnskóla er snýr að því að fella íþrótta- og tómstundastarf inní stundarskrá yngstu nemenda.

Greiðslur til Völsungs eru 18 miljónir en samningurinn er til eins árs.

Samninginn í heild sinni má lesa inná vef Norðurþings eða með því að smella hér.

Meðfylgjandi mynd af Kristjáni Þór Magnússyni sveitarstjóra Norðurþings og Lilju Friðriksdóttur stjórnarmanni í aðalstjórn Völsungs er tekin við undirritun samningsins.