Rauða kross verslun opnuð á Þórshöfn

Fyrir skömmu opnaði Rauði krossinn í Langanesbyggð verslun í Glaðheimum á Þórshöfn.

Það var margt um manninn á fyrsta opnunardegi en eldri borgarar munu sjá um rekstur verslunarinnar og mun það vera nýjung innan Rauða krossins að hafa svoleiðis fyrirkomulag.

Það var Kristín Heimisdóttir sálfræðingur sem átti hugmyndina að þessu og kom verkefninu í framkvæmd með dyggri hjálp eldri borgara og starfsfólks Rauða krossins.

Í versluninni kennir ýmissa grasa af fatnaði og öðrum varningi.  Skemmtileg viðbót inní samfélagið og um að gera að kíkja við hjá eldri borgurum í Glaðheimum. Verslunin verður opin fimmtudaga 16-18 og laugardaga 12-14.

Frá þessi segir á heimasíðu Langanesbyggðar en þar má sjá fleiri myndir frá opnunardeginum.