29. maí
Rafnar Máni með tvennu í sigri á HaukumÍþróttir - - Lestrar 209
Rafnar Máni fagnar síðara marki sínu.
Rafnar Máni Gunnarsson skoraði tvennu í 3-1 sigri Völsungs á Haukum í dag.
Leikurinn fór fram afbragðs í veðri á grasinu á PCC vellinum og stemmingin góð.
Áki Sölvason kom Völsungum í 1-0 snemma leiks eftir undirbúning Santi áður en gestirnir jöfnuðu með sleggju Kristjáns Ólafssonar af löngu færi upp í skeytin. 1-1.
Heimamenn voru samt að ná tökum á leiknum og þjörmuðu duglega að gestunum. Rétt fyrir lok fyrri hálfleiks átti Adolf fyrirgjöf á fjærstöng sem Rafnar Máni mætti í endann á og skoraði 2-1 og þannig stóðu leikar í hálfleik.
Rafnar Máni þrumaði svo inn sínu öðru marki í seinni hálfelik og Völsungar komnir í 3-1. Það urðu lokatölur leiksins og þrjú stig bættust í sarpinn.
10 stig eftir fjóra leiki og mjög góð byrjun á sumrinu hjá strákunum en næsti leikur fer fram nk. föstudagskvöld hér á Húsavík.
Völsungar eru í efsta sæti 2. deildar ásamt Ægi en Njarðvík kemst á toppinn með sigri eða jafntefli á Reyni S annað kvöld.
Áki Sölvason hleður í skotið sem gaf fyrsta markið í dag.
Rafnar Máni Gunnarsson í leiknum í dag.
Með því að smella á myndirnar er hægt að fletta þeim og skoða í hærri upplausn.
640.is á Facebook