Penninn á lofti hjá Völsungi

Glaðbeittir Völsunga eftir undirskrift.

Þrír leikmenn skrifuðu undir samninga við meistaraflokk karla hjá Völsungi á dögunum.

Leikmennirnir sem um ræðir eru Gunnar Sigurður Jósteinsson, Freyþór Harðarson og Arnþór Hermannsson.

Arnþór og Gunnar skrifuðu undir 1. árs samning á meðan Freyþór skrifaði undir 2 ára asamning.

Gunnar Sigurður hefur verið fyrirliði Völsungs undanfarin ár og leikið stórt hlutverk í varnarleik liðsins. Hann er einn af reynsluboltum líðsins.

Freyþór, sem er frá Hömrum í Reykjadal, lék með Völsungum í yngri flokkum en þegar hann komst á 2. flokks aldur skipti hann yfir í Þór og lék með 2. flokk liðsins.

Arnþór er Völsungum kunnugur en hann hefur leikið með félaginu nær allan sinn feril. Síðasta vetur söðlaði hann um og gekk til liðs við Þór þar sem hann lék síðasta sumar. Arnþór er nú kominn aftur heim og spilaði sinn fyrsta leik á ný í gær þegar liðið vann Magna 3-1.

Þá hefur markvörðurinn Björn Hákon Sveinsson gengið frá félagsskiptum í Völsung eins og komið hefur fram á 640.is

Á heimasíðu Völsungs segir að mikil ánægja sé innan raða félagsins með að þessir drengir hafi skrifað undir samninga við félagið og ákveðið að taka slaginn með liðinu í 3. deildinni í sumar.

Fv. Páll V. Gíslason þjálfari, Freyþór Harðarson, Gunnar Sigurður Jósteinsson, Arnþór Hermannsson og Júlíus Bessason. Ljósmynd: volsungur.is