PCC - Ofn 1 óstöðugur að undanförnu

Í tilkynningu frá PCC á Bakka segir að ofn 1 hafi verið óstöðugur að undnförnu en um helgina hafi hann verið að ná sér og aukinn stöðugleiki komið í framleiðsluna.

"Á meðan ofnarnir eru að ná þessum stöðugleika þá myndast gjarnan brúmyndun á efsta lagi blöndunnar í ofninum. Starfsfólk tappar svo fljótandi kísilmálmi úr ofninum og þá minnkar heildarmagn þess sem er í ofninum og holrúm getur myndast á milli þessarar brúmyndunar og fljótandi kísilmálms.

Eftir töppun er hráefnum matað í ofninn og þá fer af stað skörun í ofninum til að tryggja jafna dreifingu á heitum og köldum efnum í ofninum. Þegar skörun fer fram losnar um þessa brúmyndun og hún fellur niður í fljótandi málminn í ofninum og við það getur myndast reykur. 

Þetta gerðist hjá okkur í gær og hafði afsogskerfið ekki undan og mikill reykur kom út um ristar ofnhússins. Einn af okkar reyndustu mönnum var á vakt og sá hefur séð þetta gerast áður en þó myndaðist óvenju mikill reykur í gær og að auki var reykurinn svartur sem er óvenjulegt.

Ofninn var hinsvega fljótur að jafna sig eftir þetta og hefur framleiðsla gengið vel" segir í tilkynningunni á Fébókarsíðu PCC BakkiSilicon í dag.