Páll Viðar búinn að skrifa undir tveggja ára samning við Völsung

Guðrún og Páll Viðar að lokinni undirskrift.

Eins og fram kom í fjölmiðlum á dögunum mun Páll Viðar Gísla-son taka við þjálfun meistara-flokks karla hjá Völsungi. 

Páll Viðar skrifaði undir tveggja ára samning við félagið í gær-kveldi og fær það verðuga verkefni að koma liðinu aftur upp í 2.deild.

Hann hefur undanfarin fjögur ár verið aðalþjálfari meistarafloks karla hjá Þór á Akureyri og tvívegis komið þeim upp í efstu deild. 

Við sama tækifæri skrifuðu sex leikmenn undir tveggja ára samninga við félagið. Þetta voru þeir Elvar Baldvinsson, Stefán Jón Sigurgeirsson, Snæþór Haukur Sveinbjörnsson, Sæþór Olgeirsson, Eyþór Traustason og Sigvaldi Þór Einarsson.

Allir þessir leikmenn komu við sögu hjá meistaraflokki karla síðastliðið sumar. 

Sitjandi eru Guðrún Kristinsdóttir formaður Völsungs og Páll Viðar Gíslason nýráðinn þjálfari karlaliðs félagsins..

Að baki þeim standa sex leikmenn sem framlengdu samninga sína við félagið í gærkveldi. Fv. Elvar, Stefán Jón, Snæþór Haukur, Sæþór, Eyþór og Sigvaldi Þór.