Ofgnótt atvinnu að fá á Húsavík!!!!!!

Frá Húsavík.

Hefur þú reynt að fá smið eða verktaka til að vinna fyrir þig eitthvað smáverk? Eða stærri verk? 

Hefur þú setið á dollunni og það flæðir uppúr og þig vantar pípara? Hefur rafmagnið slegið út 20 sinnum og þú leitað að rafvirkja? Vantar þig fólk í þrif og þvott og reynt að auglýsa?

Kennara vantar, leikskólapláss eru á þrotum, Sjúkraliða- og hjúkrunarstörf eru á lausu. Læknaskortur er yfirvofandi.

En sveitarstjórnarskrifstofan er full út úr dyrum af starfsfólki sem reykinn leggur af, kulnunin er víst svo mikil. Og fulltrúar í sveitarstjórn bera sig illa undan álagi og virðast vera biðja um fleiri sveitarstjórnarfulltrúa.

Á sama tíma er það eina sem opinbera kerfinu dettur í hug, að koma á fót fleiri stórum vinnustöðum, þó öllum megi vera ljóst að hvorki grunnur né uppbygging og viðhald innviða, hefur fylgt þróun svæðisins. Það er ekki einu sinni til fólk á svæðinu til að vinna á fleiri stórum vinnustöðum.

Já fáðu þér bara útikamar og verslaðu vasaljós ætlir þú þér að lifa og hrærast í þinni heimabyggð. Svo er alltaf hægt að biðja Tjörneshrepp um að taka yfir! Eða fá nokkrar milljónir Afgana til að koma og redda okkur.

Með kaldri kveðju; Sigurjón Benediktsson, var einu sinni tannlæknir.