Notalegir Aðventutónleikar í kirkjunni

Tónleikarnir hófust að venju á loftinu.

Hinir árlegu Aðventutónleikar Kirkjukórs Húsavíkur voru haldnir í Húsavíkurkirkju sl. sunnudagskvöld og voru kirkjubekkir þéttsetnir.

Þetta voru notalegir tónleikar að venju og flutti séra Sigvatur Karlsson hugvekju í upphafi þeirra og Pétur Helgi Pétursson formaður kórsins bauð tónleikagesti velkomna.

Aðalsteinn Júlíusson söng einsöng með kórnum sem og kórfélagarnir Hjálmar Bogi Hafliðason og Baldur Baldvinsson.

Judit Györgi stjórnaði kórnum sem fyrr og um undirleik sáu Steinunn Halldórsdóttir, Adrienne Davis og tvær stúlkur úr 10. bekk Borgarhólsskóla. Þær Sif Heiðarsdóttir á þverflautu og Guðbjörg Helga Aðalsteinsdóttir á saxófón. 

Tónleikunum lauk líkt og undnafarin ár með því að kirkjugestir sungu Heims um ból með kirkjukórnum.

Hér að neðan eru nokkrar myndir frá tónleikunum og með því að smella á þær er hægt að fletta þeim og skoða í stærri upplausn.