Norðursigling má ekki nota slag­orðið „Car­bon Neutral“

Skonnortur frá Norðursiglingu á siglingu.

Neyt­enda­stofa hef­ur bannað Norður­sigl­ingu ehf. að nota slag­orðið „Car­bon Neutral“ þannig að það væri vill­andi gagn­vart neyt­end­um eða ósann­gjarnt gagn­vart keppi­naut­um.

Morgunblaðið greinir frá.

Neyt­enda­stofu barst er­indi Gentle Gi­ants hvala­ferða ehf. þar sem kvartað var yfir markaðssetn­ingu keppi­naut­ar­ins Norður­sigl­ing­ar ehf. Taldi Gentle Gi­ants hvala­ferðir að notk­un Norður­sigl­ing­ar á slag­orðinu „Car­bon Neutral“ væri vill­andi markaðssetn­ing. 

„Neyt­enda­stofa taldi að full­yrðing­ar sem vísi til já­kvæðra eða hlut­lausra um­hverf­isáhrifa vara eða þjón­ustu verði að vera sett­ar fram á skýr­an, ná­kvæm­an og ótví­ræðan hátt og studd­ar full­nægj­andi gögn­um,“ seg­ir á vef Neyt­enda­stofu.

Að mati Neyt­enda­stofu var notk­un Norður­sigl­ing­ar á slag­orðinu víðtæk og áber­andi þrátt fyr­ir að aðeins hluti starf­sem­inn­ar gæti tal­ist án út­blást­urs kol­díoxíðs. Taldi Neyt­enda­stofa því að um væri að ræða vill­andi og órétt­mæta viðskipta­hætti. (mbl.is)