Naumt tap í spennuleik

Kvennalið Völsungs í blaki.

Kvennalið Völsungs í blaki mátti þola sinn fyrsta ósigur á tíma-bilinu þegar stelpurnar tóku á móti liði Álftanes B í 1. deildinni sl. sunnudag.

Gestaliðið byrjaði frábærlega og vann fyrstu og aðra hrinu örugglega. 10-25 0g 18-25

Í þriðju hrinu gerði þjálfari Völsunga, Tamás Kaposi, breytingar á liðinu sínu og stelpurnar tóku svo sannarlega við sér.

Þær unnu þriðju hrinu sannfærandi 25-12 en fjórða hrina var jafnari en Völsungar náðu að knýja fram sigur 26-24. 

Í oddahrinu leiddu heimastúlkur lengst af en reynsla gestanna skilaði þeim 14-16 sigri á lokametrunum. 

Stigahæstar Völsunga voru Tamara Kaposi-Pető með 30 stig, Heiðdís Edda Lúðvíksdóttir með 26 stig og Sigrún Marta Jónsdóttir með 10 stig.

"Við höldum ótrauð áfram, engin ástæða til annars" segir Tamás Kaposi þjálfari Völsungs en næsti leikur í deildinni er gegn HK b nk. laugardag. Hann er í íþróttahöllinni á Húsavík og hefst kl. 16:15. Áfram Völsungur !