Mynd dagsins - Frímann kokkur með sýningu á H é r n a

Frímann Sveinsson.

Mynd dagsins var tekin á kaffihúsinu H é r n a í dag þegar Frímann Sveinsson kokkur opnaði sýningu á vatnslitamyndum. 

Sýningin ber heitið Ástin og lífið og eru myndirnar, sem Frímann málaði sl. sumar, mismunandi tilbrigði við sama mótíf.

Frímann hefur búið á Húsavík í 30 og starfað sem matreiðslu-meistari.

Hann hefur í tómstundum sínum spilað á gítar og málað með vatnslitum.

Frímann hefur haldið fjölda sýninga hér á Húsavík og víðar en sýningin á kaffihúsinu H é r n a verður opin næstu fjórar vikurnar.

Með því að smella á myndina er hægt að skoða hana í hærri upplausn.