Magnús Már Þorvaldsson ráðinn forstöðumaður íþróttamannvirkja á Laugum

Sundlaugin á Laugum.

Sjö sóttu um starf forstöðumanns íþróttamannvirkja, sundlaugar og íþróttahúss á Laugum.

Umsækjendur voru Arkadiusz Babinski, Birgitta Eva Hallsdóttir, Hjördís Sverrisdóttir, Hrannar Guðmundsson, Magnús Már Þorvaldsson, Marteinn Gunnarsson og Þórir Már Einarsson.

Frá þessu segir á vef Þingeyjarsveitar en ákveðið hefur verið að ganga til samninga við Magnús Má Þorvaldsson.

Magnús hefur víðtæka menntun og langa starfsreynslu hjá sveitarfélögum, m.a. í íþrótta- og æskulýðsmálum og sem yfirmaður íþróttamannvirkja.