Mærudagssigur hjá VölsungumÍþróttir - - Lestrar 114
Völsungur er með 22 stig í fjórða sæti 2. deildar eftir 3-1 Mærudagssigur á Víkingum frá Ólafsvík.
Það var vel mætt á PCC völlinn í gær en það var frítt inn í boði Sjóvá, Fish and Chips og Geosea.
Fyrsta markið var sjálfsmark Ólafsvíkinga og kom eftir hornspyrnu Ólafs Jóhanns Steingrímssonar.
Áki Sölvason bætti við öðru marki áður en flautað var til hálfleiks og staðan því orðin 2-0 heimamönnum í vil.
Mikael Hrafn Helgason minnkaði muninn fyrir Víkinga þegar tæpur hálftími var til leiksloka og gestirnir eigðu von. En Adolf Bitegeko innsiglaði sigur Völsunga með þriðja markinu sex mínútum síðar og lokastaðan því 3-1.
Völsungar eru sem fyrr segir með 22 stig í fjórða sæti deildarinnar en Víkingur Ólafsvík með 12 stig í níunda sæti deildarinnar.
Strákarnir eiga heimaleik gegn KFA á miðvikudaginn kl.19.15.
Adolf Bitegeo í þann mund að skora þriðja mark Völsunga.
Völsungar fagna marki Adolfs.