Lögreglan óskar eftir þyrlu til að leita að hvítabirninum

Í morgun ákvað lögreglan á Norðurlandi eystra að óska eftir því við Landhelgisgæsluna að þyrla myndi ásamt lögreglu fljúga að nýju yfir svæðið þar sem tilkynnt var um ísbjörn á Melrakkasléttu í gær.

Er það gert í öryggisskyni en engin önnur tilkynning, en sú sem kom í gær, hefur borist lögreglu um björninn. 

Ekkert sást til bjarnarins í flugi LHG í gærkveldi.