Listsýning í Þingey

Leikskólinn Krílabær hefur sett upp litríka og skemmtilega listsýningu í Þingey, stjórnsýsluhúsi Þingeyjarsveitar, í tilefni af degi leikskólans þann 6. febrúar.

FRá þessu segir á heimasíðu Þingeyjarsveitar en á sýningunni eru listaverk unnin af börnum leikskólans. Börnin unni með liti, form og efni á skapandi hátt og ýmsum mismunandi aðferðum var beitt við sköpunina. Mikil áhersla er lögð á skapandi starf í leikskólanum eins og sýningin sýnir svo skemmtilega.

Sýningin er opin öllum og eru allir hjartanlega velkomnir í Þingey að njóta listsköpunar yngstu íbúa sveitarfélagsins. Listaverkin munu prýða Þingey næstu vikurnar og hvetjum við alla til að koma og njóta.

Hér má sjá myndir af nokkrum listaverkum sýningarinnar