Leyfisferli framkvæmda til umfjöllunar á morgunverðarfundi Verkfræðingafélagsins í fyrramálið

22. nóv

Leyfisferli framkvæmda til umfjöllunar á morgunverðarfundi Verkfræðingafélagsins í fyrramálið
Fréttatilkynning - - Lestrar 502

Frá Þeistareykjum. Ljósmynd Hreinn Hjartarson.

Á morgunverðarfundi Verkfræðingafélags Íslands á Hótel Nordica í fyrramálið verður fjallað um leyfisferli framkvæmda, sem töluvert hefur verið í umræðunni, m.a. vegna orkuframkvæmda á Norðausturlandi.

Markmið fundarins er að greina kosti og galla á núverandi leyfisferli framkvæmda á Íslandi.

Aðalræðumenn á fundinum eru: Guðmundur Ingi Ásmundsson, forstjóri Landsnets, fjallar um vandamála vegna línulagna á Norðausturlandi, Sif Jóhannesdóttir, formaður skipulags- og umhverfisnefndar Norðurþings, fjallar um sjónarhorn sveitarfélaga sem gefa út framkvæmdaleyfi, og Ásbjörn Blöndal, framkvæmdastjóri þróunarsviðs HS Orku, fjallar um ferli leyfisveitinga vegna framkvæmda.

Að loknum framsöguerindum verða pallborðsumræður. Þátttakendur, auk frummælenda, verða Hafsteinn Viktorsson, framkvæmdastjóri PCC, Þorsteinn Víglundsson, alþingismaður og fyrrv. framkvæmdastjóri Samtaka atvinnulífsins og Þórunn Egilsdóttir, alþingsmaður.

Streymt verður frá fundinum á vefsíðu Verkfræðingafélags Íslands; www.vfi.is

« Til baka