Kynna margmiðlunar og tölvuleikjahönnun í FSH

Margmiðlunartækni og Tölvuleikjahönnun kynnt í FSH.

Fulltrúar Háskólans í Norður-Þrændalögum (HiNT) í Mið-Noregi eru á leiðinni til Íslands annað árið í röð, í þeim tilgangi að kynna spennandi háskólanám í Margmiðlunartækni og Tölvuleikjahönnun.

Ekkert sambærilegt nám er í boði á Íslandi og Íslendingar hafa sýnt námstilboði norska háskólans mikinn áhuga, enda er nám af þessu tagi afar kostnaðarsamt í flestum löndum, en í HiNT þarf einungis að greiða 12.000,- króna annargjald. Háskólinn er vel tækjum búinn og kennarahópurinn er alþjóðlegur og býr yfir margra áratuga reynslu af svo til öllu sem tengist bæði tölvuleikjahönnun og margmiðlunartækni.

Nemendur fá að nokkru marki að velja sér áhugasvið og því finna allir eitthvað við sitt hæfi. Meðal viðfangsefna nemenda er þrívíddarteikning, kvikmyndun, ljósmyndun, hljóðvinnsla, forritun, leikstjórn, framleiðsla og ritstjórn, svo nokkuð sé nefnt. Í haust settust 7 íslenskir nýnemar á skólabekk og í ár vonast fulltrúar skólans til að fá til liðs við sig fleiri efnilega Íslendinga.

Auk kynningar fundarins í Framhaldsskólanum á Húsavík, næstkomandi mánudag, 10. Mars, kl. 10.20 og í Framhaldsskólanum á Laugum kl. 13.15 sama dag verða 3 opnir kynningarfundir, í VMA á Akureyri, 10. mars, í FVA á Akranesi, 11. mars og í Margmiðlunarskólanum (í húsakynnum Tækniskólans, Skólavörðuholti), 13. mars. Allir opnu fundirnir hefjast kl. 19.00 og eru allir velkomnir.