Þjóðlagasveitin Kólga heldur tónleika á Hvalbak

Þjóðlagasveitin Kólga.

Þjóðlagasveitin Kólga er sjóðheit um þessar mundir og heldur tónleika á Hvalbak nk. föstudagskvöld kl. 21:00.

Þau er á leið í hljóðver til að taka upp sína fyrstu plötu, en fannst tilvalið að taka rúnt norður, hvar rætur flesta meðlima liggja, til að viðra og tilkeyra prógrammið. 

Kólga leikur bæði frumsamda tónlist í þjóðlagastíl sem og þjóðlög úr ýmsum áttum, með íslenskum textum, flestum úr eigin smiðju.

Meðlimir Kólgu eru Kristín Sigurjónsdóttir - fiðla & söngur, Magni Friðrik Gunnarsson - gítar & söngur, Helgi Þór Ingason - harmonikka & söngur og Jón Kjartan Ingólfsson - bassi & söngur. 

Hér að neðan má hlýða á þrjú lög með Kólgu.