Kallar eftir bættri aðstöðu fyrir tónlistarfólk.

Á fundi Skipulags- og framkvæmdarás Norðuþings í síðustu viku lá fyrir erindi frá Viktori Frey Aðalsteinssyni þar sem hann óskaði eftir bættri aðstöðu fyrir tónlistarfólk á Húsavík.

Skipulags- og framkvæmdaráð þakkaði bréfritara fyrir erindið og tók undir mikilvægi þess að skapa ungu fólki aðstöðu til listsköpunar af hverju tagi og æfinga er varðar tónlistariðkun.

Líkt og bréfritari kemur inn á í bréfi sínu þá tryggir sveitarfélagið einstaklingum aðstöðu til æfinga í völdum íþróttagreinum í samstarfi við Völsung.

Ráðið leggur til að Tún, nyrðri hluti, verði gerður aðgengilegur fyrir ungt fólk til listsköpunar og æfinga. Fundin verði leið til að tryggja aðgengi ungmenna að aðstöðunni.

Skipulags- og framkvæmdaráð samþykkti erindið fyrir sitt leyti og vísaði því til fjölskylduráðs til umfjöllunar og útfærslu.