Jóna, Lena og Lindi Íslandsmeistarar

Flottir Íslandsmeistarar. Lj. AMÞ.

Um 400 íþróttamenn frá tæplega 30 félögum tóku þátt í Íslandsmóti ÍF um síðustu helgi. Mótið fór fram í Laugardalshöllinni  og keppt var í boccia, frjálsum íþróttum, sundi , bogfimi svo eitthvað sé nefnt. 

Að sögn Önnu Maríu Þórðardóttur þjálfara Bocciadeildar Völsungs fóru þrjú lið til leiks í boccia, eitt í fyrstu deild og tvö í þriðju deild. Árangur liðanna var með ágætum en upp úr stóð þó Íslandsmeistaratitill í þriðju deild.  

Þar sigruðu nokkuð örugglega Jóna Rún Skarphéðinsdóttir, Lena Kristín Hermannsdóttir og Vilberg Lindi Sigmundson en þau unnu alla sína leiki á mótinu.