Jakob Sævar sigurvegari á haustmóti Goðans

Jakob Sævar Sigurðarson.

Jakob Sævar Sigurðsson vann sigur á haustmóti Goðans 2025 sem lauk í Túni á Húsavík síðdegis í gær.

Jakob fékk 4,5 vinninga af 5 mögulegum og gerði einungis jafntefli við Kristján Inga Smárason í fyrstu umferð. 

Rúnar Ísleifsson varð annar með 4 vinninga og Adam Ference Gulyas þriðji á stigum, með 3 vinninga.

Alls tóku 9 þátt í mótinu en einn hætti eftir tvær umferðir.