Jakob Gunnar er við æfingar hjá Lyngby

Jakob Gunnar Sigurðsson.

Völsungurinn ungi og efnilegi Jakob Gunnar Sigurðsson er á reynslu hjá danska úrvalsdeildar-liðinu Lyngby í þessa vikuna.

Kappinn fór út í gær og kemur heim á föstudag en hann æfir með U17 liðinu þennan tíma og spilaði æfingaleik með þeim í dag gegn Bröndby. 5-0 sigur þar og Jakob Gunnar skoraði tvö mörk.

Jakob Gunnar hefur spilað alla leiki meistaraflokks í sumar en hann varð 16 ára í apríl.

"Við erum afar stolt af okkar manni og mun þessi reynsla nýtast honum vel í framtíðinni! Áfram Jakob og við hlökkum til að fá þig aftur heim". Segir á Fésbókarsíðu Græna hersins.

Annars eð það að frétta af Völsungum að karlaliðið lék gegn Haukum að Ásvöllum um helgina og töpuðu 2-0.

Stelpurnar sóttu KH heim að Hlíðarenda og þar fór jafntefli, 3-3. Krista Eik Harðardóttir skoraði tvö mörk Völsunga og Halla Bríet Kristjánsdóttir eitt.

Strákarnir eiga  heimaleik á morgun, miðvikudaginn 7.júní kl.19.15 gegn KFA og stelpurnar taka á móti ÍA nk. laugardag 10. júní.