Jafntefli hjá stelpunum en tap hjá strákunum

Hildur Anna í leik gegn Vestra fyrr í sumar.

Meistaraflokkslið Völsungs háðu sína leiki fyrir sunnan þessa helgina, stelpurnar í gær en strákarnir í dag.

Stelpurnar mættu ÍH Í Hafnarfirði og kom Hildur Anna þeim á bragðið með marki úr aukaspyrnu snemma leiks. Heimastúlkur jöfnuðu rétt fyrir leikhlé.

Völsungar komust aftur yfir þegar Krista EIk Harðardóttir skoraði þegar stutt var til leiksloka en ÍH jafnaði í blálokin. Lokastaða 2-2.

Strákarnir sóttu Þrótt úr Vogum heim á Vatnsleysuströndina í dag og skemmst frá því að segja að það var valtað yfir þá. Þróttur skoraði fimm mörk án þess að Völsungur næðu að svara fyrir sig.