Íþróttafólk Völsungs 2016 - Myndasyrpa og umsagnir

Við þetta tilefni voru veitt hvatningarverðalaun til yngri þátttakenda og Íslandsmeistarar félagsins voru heiðraðir.

Einnig fengu átta einstaklingar viðurkenningar fyrir að hafa verið valdir til landliðsæfinga, fimm úr knattspyrnu og þrír úr blaki.

 

Að lokum var aðalstuðningsmaður félagsins í ár, Dóru Ármannsdóttur færður blómvöndur fyrir dyggan stuðning og hvatningu úr brekkunni.

Hvatningaverðlaun Völsungs eru veitt þeim aðilum 15 ára og yngri sem hafa staðið sig vel í starfi félagsins á einn eða annan hátt. Hvort heldur sem inná vellinum, æfingum eða almennu félagstarfi.

Bardagaíþróttadeild.

Guðrún Halla Jónsdóttir og Hörður Mar Jónsson.

Guðrún Halla hefur tekið miklum framförum í tækni, liðleika og styrk á árinu. Hún mætir vel á æfingar og er góð fyrirmynd.

Hörður Mar hefur tekið ótrúlegum framförum í tækni og liðleika í árinu. Hann leggur sig mikið fram á æfingum og er öðrum góð fyrirmynd.

Blakdeild

Arney Kjartansdóttir er fædd 2002. Hún byrjaði að æfa blak 9 ára gömul, en þá fór af stað á Húsavík svokallað krakkablak. Í dag æfir  Arney með 3. flokki. Einnig sækir hún æfingar í hópi fullorðinna.

Hún hefur á þessum árum tekið þátt í Íslandsmótum með sínum flokki og 2014 var farið á Álaborgaleikana í Danmörku. Í lok nóvember var Arney boðuð landsliðsæfingu hjá U16 og er hún búin að taka þátt í þremur slíkum æfingum síðasta mánuðinn. Þjálfari U16, Daniele Mario Capriotti er með frábært  þjálfarateymi  með sér sem fylgist grannt yngriflokka starfi landsins. Þess má geta að Lorenzo Ciancio sem er yfirþjálfari Völsungs og þjálfari Arneyjar, er einn af þessum þjálfurum. Framundan er svo áframhaldandi æfingar hjá þessum hópi. Framtíðin er svo sannarlega björt og spennandi hjá Arneyju hjá Völsungi sem og í verkefnum fyrir landsliðið.

Andri Már er fæddur 2005 og æfir með 5. flokki hann er í þeim stóra hópi sem byrjaði að æfa blak 2014 þá 9 ára gamall og hefur þessi hópur haldist að stærstum hluta til þessa.

Andri hefur á þessum tíma tekið þátt í flestum þeim mótum sem boðið hefur verið uppá bæði Íslands- og landhlutamótum, hann hefur sótt æfingar af samviskusemi og ávallt sýnt mikinn metnað og áhuga, Hann er einn úr liðinu sem sigraði með miklum yfirburðum á Íslandsmótinu sem haldið var á Akureyri í nóvember síðastliðnum, þar sem eftir því tekið hversu krakkarnir  eru langt komnir í sínum flokki.  Andri er öðrum krökkum til fyrirmyndar í ástundun, áhuga og á svo sannarlega framtíðin fyrir sér í blakinu.

Fimleikadeild

Alex hefur lagt stund á fimleika í nokkur ár og náð góðum árangri, hann mætir á allar æfingar og tekur vel á. Alex fór ásamt stórum hópi fimleikakrakka til Ollerup í Danmörku í æfingarbúðir í eina viku í júlí á þessu ári. Alex er metnaðarfullur og duglegur strákur og er hvatning fyrir aðra stráka sem vilja  leggja stund á fimleika. Alex á framtíðina fyrir sér sem góður íþróttamaður ef hann heldur áfram á þeirri braut sem hann er á nú í dag.

Elín hefur lagt stund á fimleika frá unga aldri ásamt því að æfa fótbolta og blak. Elín er dugleg og áhugasöm og tekur æfingarnar föstum tökum. Hún hefur náð mjög góðum árangri í fimleikunum og ég veit að æfingarnar hennar í fimleikunum hafa skilað sér inn á æfingarnar í fótboltanum. Elín fór eins og Alex til Ollerup í Danmörku í æfingabúðir. Elín er kröftug stelpa sem á eftir að ná langt í íþróttum.

Kristný Ósk er fædd árið 2000. Hún er markmaður sem hóf aftur að æfa fótbolta síðastliðinn vetur. Kristný Ósk er efnilegur markmaður, sjálfsgagnrýnin og áhugasöm um framfarir sínar. Kristný Ósk er einnig mjög skemmtilegur liðsfélagi og hefur góð áhrif á liðsfélagana innan sem utan vallar.

 

Gunnar Kjartan er fæddur árið 2002. Hann er fjölhæfur leikmaður með góða boltatækni og skilning á leiknum. Gunnar Kjartan er góður og skemmtilegur liðsfélagi sem stundar íþróttina af heilum hug, allan ársins hring öðrum til fyrirmyndar.

María mætir á allar æfingar og hefur frábæra ástundun. Hún hefur mikinn áhuga á handboltanum og er dugleg á öllum æfingum. Hún leggur sig alltaf fram og hefur mikla möguleika á að geta verið framúrskarandi handboltakona í framtíðinni.

Páll Vilberg mættir 100% á allar æfingar og leggur sig alltaf fram við allar æfingar; hvort um sé að ræða tækni, spil, styrk og liðleika. Hann er með frábæra tækni. Hann tekur allri tilsögn um nýja tækni og nær að nýta sér hana í leiknum. Hann er með mikið tæknilegt flæði og getur spilað nánast hverja einustu stöðu sem þú setur hann í og gerir það alltaf 100%.

Hann á fullt inni og á eftir að verða framúrskarandi í öllu því sem hann tekur sér fyrir hendur í handboltanum og öðru í framtíðinni.

Skíðagöngudeild

Systkinin æfðu með Skíðafélagi Akureyrar og verður að telja það mikinn dugnað þeirra og aðstandenda að ferðast til æfinga í Hlíðarfjall yfir veturinn.  Þau kepptu á Andrésar leikunum og náðu þar mjög góðum árangri, reyndar kepptu þau fyrir SKA á leikunum en taka má tillit til þess að Fannar Ingi keppti í boðgöngu með SKA og hefði ekki getað keppt með Völsungi þar sem ekki voru fleiri til staðar. Síðan kepptu þau í Orkugöngunni og þá fyrir hönd Völsungs:

Árangur þeirra var eftirfarandi:

Fannar Ingi:

• Andrésar Andar leikarnir:  5. sæti í boðgöngu með SKA b-sveit  (hefðbundið)
• Andrésar Andar leikarnir:  2. sæti í 1,5 km. göngu drengir 9 ára (hefðbundið)
• Andrésar Andar leikarnir:  3. sæti í 1,5 km. göngu drengir 9 ára (frjáls aðferð)
• Orkugangan.  2. sæti í 2,5 km. göngu karla (hefðbundið)

Karen Linda:

• Andrésar Andar leikarnir.  2. sæti í 1 km. göngu stúlkur 6 ára (hefðbundið)
• Andrésar Andar leikarnir:  1. sæti í 1 km. göngu stúlkur 6 ára (frjáls aðferð)
• Orkugangan.  5. sæti í 2.

Elsa Dögg er fædd árið 2002 og er því 14 ára og er í 9 bekk. Hún er búin að æfa sund af og til í mörg ár, en kom svo af fullum krafti inn í sundið fyrir rúmu ári síðan.

Elsa er mjög dugleg og samviskusöm og mætir yfirleitt vel á æfingar. Á  mótum stendur hún sig mjög vel  og hefur bætt tímana sína í sundinu mikið og á héraðsmótinu í haust nældi hún sér í fjögur silfurverðlaun.

Styrmir Franz er fæddur árið 2005 og er í 6. bekk, býr í Aðaldal og æfir sund með Völsungi og stundar sínar æfingar á Laugum, Styrmir  byrjaði að æfa sund í 1. bekk.

Styrmir Franz er mjög duglegur, áhugasamur og mætir á allar æfingar.

Á  mótum stendur hann sig mjög vel og nær yfirleitt í góða tíma og lendir oftast á verðlaunapalli. Nú í haust var Styrmir Franz stigahæstur karla á héraðsmóti HSÞ og vann allar sínar greinar og hlaut bikarinn stigahæsti karlmaðurinn.

Völsungar sem tóku þátt í landsliðsæfingum í knattspyrnu árið 2016, fv. Erna Björnsdóttir tók við viðurkenningu Atla Barkarsonar, Elva Mjöll Jónsdóttir, Krista Eik Harðardóttir, Áslaug Munda Gunnlaugsdóttir og Rafnar Máni Gunnarsson.

 

Blakkona ársins er Jóna Björk Gunnarsdóttir en hún hefur verið lykilmanneskja í meistaraflokksliði Völsungs sem leikur í úrvalsdeildinni í blaki tímabilið 2016-2017. Jóna Björk er frábær fyrirmynd fyrir yngri leikmenn, hún leggur hart að sér við æfingar og keppni og skilar ávallt sínu fyrir liðið.

Bocciakona ársins er Sylgja Rún Helgadóttir. Hún tók þátt á öllum mótum ársins og náði góðum árangri á Íslandsmótum, bæði einstaklings- og liðakeppni, Hængsmótinu og Opna Húsavíkurmótinu. Toppurinn á árinu hjá Sylgju Rún var að vera í sigursveitinni sem vann  Norðurlandsmótið s.l. haust sem haldið var hér á Húsavík og hlaut hún nafnbótina „Norðurlandsmeistari í Boccia 2016“.

Sylgja Rún  er fyrirmyndar liðsfélagi og félagi sínu Völsungi til mikils sóma og væntum við mikils af henni í framtíðinni. 

Boccimaður ársins er Ólafur Karlsson. Ólafur hefur sýnt miklar framfarir og árangur á mótum var glæsilegur. Hann keppti á öllum mótum ársins, á Íslandsmótum bæði í einstaklings og liðakeppni, keppti hann í 3. deild. Hápunktur ársins hjá Ólafi var glæsilegur árangur hans með D-sveit Völsungs á Íslandsmótinu í Reykjanesbæ, en sveitin vann 3. deildina og varð  Íslandsmeistari.   

Árið 2016 var glæsilegt Boccia ár hjá Ólafi og er hann fötluðu íþróttafólki mikil hvatning og félagi sínu Völsungi til mikils sóma.

Handknattleiksmaður ársins er Sigurður Már Vilhjálmsson. Hann hefur staðið sig frábærlega í að þjappa liðinu saman og hvetja leikmenn áfram. Hann er með frábæra tækni sem línumaður en getur komið í útileikmannsstöður ef þörf er á. Hann er með góða tækni og leikskilning. Þá er Sigurður Már hugmyndaríkur leikmaður.

Bjarki er búinn að vera fyrirliði m.fl. karla síðast liðin ár og í lykilhlutverki sem leikstjórnandi. Hann spilaði alla leiki liðsins nema einn á keppnistímabilinu 2016.

Bjarki er drífandi liðsmaður, leikinn og býr yfir afburða spyrnugetu. Hann á auðvelt með að stjórna spili og er afbragðs fyrirmynd fyrir yngri leikmenn félagsins. Bjarki er góður liðsfélagi og hefur jákvæð áhrif á liðsfélaga. Bjarki hefur samtals leikið 206 meistaraflokksleiki og þar af 161 leiki fyrir Völsung. 

Dagbjört byrjaði snemma að æfa knattspyrnu og hefur spilað með Völsungi allan sinn feril.  Fyrst með yngri flokkum félagsins og undanfarin ár með meistaraflokki kvenna.

Dagbjört spilar oftast sem miðjumaður og stýrir leik liðsins. Hún er með mjög góðan leikskilning og með mikinn metnað bæði á æfingum og í leikjum.

Dagbjört spilaði alla leiki meistaraflokks á síðasta tímabili.  Hún var fyrirliði liðsins og skoraði tvö mörk. Dagbjört hefur leikið 63 meistaraflokksleiki fyrir félagið og skorað 12 mörk.

Á lokahófi meistaraflokkanna s.l. haust völdu leikmenn  Dagbjörtu besta leikmann sumarsins 2016.  Hún var einnig valin leikmaður ársins. 

En leikmaður ársins er sá leikmaður sem er ómissandi liðsfélagi, góð fyrirmynd innan vallar sem utan, mikill félagsmaður og því félaginu til sóma í þeim störfum sem falla til og hefur sinnt skyldum sínum sem Völsungur. 

Dagbjört er sterkur leikmaður á sama hvað hátt er litið. Hún er ákveðin, dugleg og smitar út frá sér með vinnusemi sinni og ákveðni á vellinum. Hún er sterkur karakter með ákveðnar skoðanir sem nýtast henni og hennar liði vel í erfiðum baráttum á æfingum og í leikjum. Viðhorf hennar til íþróttarinnar er öðrum til fyrirmyndar.