Íslandsbanki styður við knattspyrnudeild Völsungs

Höskuldur Skúli og Víðir Svansson.

Knattspyrnudeild Völsungs og Íslandsbanki hafa gert með sér samstarfssamning til þriggja ára um stuðning bankans við knattspyrnudeild félagsins.

Á heimasíðu Völsungs segir að samkvæmt samningnum fær deildin árlegar greiðslur og á móti verður Íslandsbanki sýnilegur í formi auglýsinga hjá félaginu á búningum meistaraflokka karla og kvenna.

Það voru Víðir Svansson, fulltrúi knattspyrnudeildar, og Höskuldur Skúli Hallgrímsson útibússtjóri Íslandsbanka sem handsöluðu samninginn eins og sjá má á meðfylgjandi mynd.