Hulda og Sveinbjörn á Búvöllum eru „Þingeyski bóndinn 2016“

06. nóv

Hulda og Sveinbjörn á Búvöllum eru „Þingeyski bóndinn 2016“
Almennt - - Lestrar 266

Sveinbjörn og Hulda á Búvöllum. Lj. 641.is

Hin árlega Bændagleði Búnaðarsambands Suður-Þingeyinga var haldin í fimmta skipti á Sel-hóteli í Mývatnssveit sl. föstudagskvöld.

Veislustjórar voru þeir félagar í Hundi í óskilum, Hjörleifur og Eiríkur.

Á fréttavefnum 641.is segir að Búnaðarsambandið veiti hin árlegu verðlaun „Þingeyski bóndinn“ og komu þau verðlaun að þessu sinni í hlut Sveinbjörns Þórs Sigurðssonar og Huldu Kristjánsdóttir á Búvöllum í Aðaldal.

Hulda og Sveinbjörn á Búvöllum hafa áratugum saman rekið kúa- og sauðfjárbú af miklum myndarskap og hefur það verið í hópi afurðamestu búa í sýslunni sem og á landsvísu.

Snyrtimennska og góðir búskaparhættir eru í hávegum höfð á Búvöllum og eru þau Hulda og Sveinbjörn því vel að verðlaununum komin.

Guðrún Tryggvadóttir formaður Búnaðarsambands Suður -Þingeyinga af henti þeim hjónum verðlaunin, sem var innrammað viðurkenningarskjal og málverk eftir Hólmfríði Bjartmarsdóttur á Sandi í Aðaldal. (641.is)

« Til baka