Höfðingleg gjöf Kvenfélags Húsavíkur til HSN á Húsavík

Heilbrigðisstofnun Norðurlands á Húsavík hefur fengið að gjöf frá Kvenfélagi Húsavíkur svokallaðar „skutlur“ af Sara Stedygerð frá Arjo Huntley.

Gefandinn er Kvenfélagið á Húsavík sem gefur alls þrjár skutlur og eru tvær þeirra ætlaðar til notkunar á heimili aldraðra á Hvammi og Skógarbrekku en ein á sjúkradeild HSN á Húsavík. 

Skutlurnar létta mjög umönnun sjúklinga sem eru með skerta göngugetu og draga auk þess úr óþægindum þeirra og hætta á byltum er hverfandi. 

Sara Stedy skutlurnar koma frá fyrirtækinu Fastus, sem jafnframt lánaði strax eina skutlu, sem þegar í stað fór í notkun á sjúkradeild en hinar tvær eru væntanlegar innan tíðar.

Í tilkynningu segir að Heilbrigðisstofnun Norðurlands kunni Kvenfélaginu á Húsavík bestu þakkir fyrir þessar stórgjafir sem munu koma að góðum notum við umönnun skjótstæðinga stofnunarinnar.

Andvirði gjafarinnar er 496.475 krónur.

Jóhanna S Kristjánsdóttir verkefnastjóri hjúkrunar á Skógarbrekku, Áslaug Halldórsdóttir yfirhjúkrunarfræðingur svæðis, Hildur Sveinbjörnsdóttir hjúkrunarfræðingur í Hvammi, Kristín Thorberg yfirhjúkrunarfræðingur sjúkrasviðs, Hulda Jónsdóttir formaður Kvenfélags Húsavíkur, Ingveldur Árnadóttir iðjuþjálfi og Kristín Baldursdóttir sjúkraliði, sem einnig er í stjórn Kvenfélags Húsavíkur.

Ljósmynd Regína Sigurðardóttir.