Hildur Jana nýr formaður Eyþings

Guðmundur Baldvin og Hildur Jana. lj. eything.is

Á aðalfundi Eyþings sem haldinn var dagana 21. og 22. september sl. á Sel-Hótel í Mývatnssveit var Hildur Jana Gísladóttir á Akureyri kjörinn formaður stjórnar Eyþings í stað Guðmundar Baldvins Guðmundssonar.

Aðrir í stjórn eru:

Axel Grettisson, Hörgársveit
Elías Pétursson, Langanesbyggð
Helgi Héðinsson, Skútustaðahreppi
Katrín Sigurjónsdóttir, Dalvíkurbyggð
Kristján Þór Magnússon, Norðurþingi
Sóley Björk Stefánsdóttir, Akureyri 

Varamenn:

Halla Björk Reynisdóttir, Akureyri
Jóns Stefánsson, Eyjafjarðarsveit
Sigurður Þór Guðmundsson, Svalbarðshreppi
Arnór Benónýsson, Þingeyjarsveit
Gunnar I. Birgisson, Fjallabyggð
Óli Halldórsson, Norðurþingi
Gunnar Gíslason, Akureyri

Á aðalfundinum voru flutt þrjú erindi; Eyrún Ingibjörg Sigþórsdóttir fjallaði um framtíð ísl. Sveitarfélaga og styrkingu sveitarstjórnarstigsins. Helgi Már Pálsson ráðgjafi frá Eflu fór yfir Uppbyggingaráætlun fyrir Akureyrarflugvöll og að lokum kynnti Róbert Ragnarsson ráðgjafi skýrslu um úttekt á innra starfi Eyþings. Kristján Þór Júlíusson ráðherra og fyrsti þingmaður kjördæmisins flutti ávarp ásamt Sigurði Á. Snævarr sviðstjóra Sambands íslenskra sveitarfélaga. Sigurður Ingi Jóhannsson samgöngu- og sveitarstjórnarráðherra komst ekki vegna anna. Sú nýjung var á dagskrá að í lok fundar voru haldnar vinnustofur fyrir kjörna fulltrúa sveitarfélaga Eyþings, þar sem hlutverk og áherslur Eyþings á kjörtímabilinu 2018-2022 voru ræddar og lagðar niður. Vinnustofunum var stýrt af Halldóru Hreggviðsdóttur framkvæmdarstjóra Alta og mun hún vinna úr tillögum hópanna. Vinnuhóparnir voru flestir sammála um að Eyþing ætti að vera samráðsvettvangur sem markar málefni fyrir allt svæðið. 

Eftir fundardag á föstudeginum var snæddur kvöldverður á Sel-Hótel og var veislustjórnin í höndum heimamanna. 

Laugardagurinn hófst á málefnahópum og undirbúningi fyrir landsþing sambandsins. Alfreð Schiöth, starfsmaður mengunarvarna hjá Heilbrigðiseftirliti Norðurlands eystra, hélt erindi um skýrslu heilbrigðisnefndar og tók við fyrirspurnum úr sal. Því næst var álit nefnda kynnt, s.s. afgreiðsla tillagna og ályktana, ársreikningur 2017 og endurskoðuð fjárhagsáætlun 2018 og fjárhagsáætlun 2019. Kosning í heilbrigðisnefnd Norðurlands eystra (5 aðal- og varamenn), val á endurskoðanda til eins ár, kosning 7-manna stjórnar og varastjórnar Eyþings, ákvörðun um aukaaðalfund og önnur mál. Í lok fundar sátu þingmennirnir Albertína Friðbjörg Elíasdóttir, Bjarkey Gunnarsdóttir, Þórunn Egilsdóttir og Njáll Trausti Friðbertsson fyrir svörum. (eything.is)

Á meðfylgjandi mynd eru Guðmundur Baldvin Guðmundsson fráfarandi formaður og Hildur Jana Gísladóttir nýr formaður Eyþings.