Heimsókn í "Hvíta Þorpið"

Annar í páskum var tekinn í að heimsækja fjallaþorpið Frigiliana sem er rétt ofan Nerja í 300 metra hæð yfir sjávarmáli.

Farið var með strætisvagni þangað og tók það um 15 mínútur að klifra upp eftir hæðum El Fuerte til Frigiliana. 

Í þorpinu búa um 3000 manns en þorpið er talið eitt hið fallegasta hér í Andalúsíu.

Frigiliana er oft nefnt hvíta þorpið sem rekja má til húsanna þar sem flest hver eru hvítkölkuð. Götur þorpsins eru þröngar og stundum finnst manni maður vera kominn í hálfgert völundarhús. Sérstaklega í efri hluta þess, gamla Márahlutanum, en þar eru göturnar fallega mósaíkskreyttar.

Hér koma nokkrar myndir sem eru aðallega úr efri hluta þorpsins og með því að smella á þær er hægt að fletta þeim og skoða í hærri upplausn.

 

Þær eru þröngar göturnar í þorpinu.

Þegar gangan upp í gamla Márahluta þorpsins er örskammt á veg kominn er komið að vín- og sælkeraversluninni Vinos el Lagar sem er mjög vinsæl meðal ferðamanna jafnt sem heimafólks.

Í Vinos el Lagar má m.a kaupa vín sem framleitt er í þorpinu beint úr tunnum.

Gott er að njóta útsýnisins við Vino el Lagar meðan dreypt er á veigunum.

Vinos el Lagar hefur einnig á boðstólunum sultur, ólívuolíur, hunang ofl. sælkeravörur af svæðinu.

Götumynd í Frigiliana, hvíta þorpinu í Andalúsíu.

Göturnar eru þröngar og sumar hverjar brattar.

Göturnar í gamla hlutanum eru þröngar og steinum lagðar.

Kaupmenn koma vörum sínum vel á framfæri.

Það er alltaf leið niður eftir að hafa farið upp.

Af fallegu útsýni er nóg í hvíta þorpinu og um að gera að njóta þess.

Á heimleið.

Húsin eru flest öll hvít en til að lífga upp á eru gluggar og hurðir víða í sterkum litum auk þess sem mikið er af litríkum blómum.

Úrval veitingastaða er í þorpinu þar sem hægt er að njóta veitinga, s.s tapasrétta .

Það er mikið af blómapottum í þorpinu, ýmist með veggjum, á veggjum eða þá svölum húsanna.

 

La domadora y el león bjórkrá sem er mjög vinsæl en þar er seldur kratfbjór, bæði úr héraði sem og annarsstaðar frá.

El Mirado er góður veitingastaður ofarlega í Frigiliana. 

Áhugasamur viðskiptavinur vildi sjá þessa flík betur og þá var bara að ná í hana.

San Antoniokirkjan er staðsett í gamla hluta Frigiliana en smíði hennar lauk árið 1676.

Stóra húsið var áður fyrr verksmiðja þar sem unnin var sykurreyr.

Hótel Villa Frigiliana er einn gististaða þorpsins en ferðamannaiðnaðurinn er helsti atvinnuvegur þorpsbúa sem einnig framleiða vín, hunang og ýmisskonar handverksvörur.

Útsýnið frá Frigiliana niður til sjávar.