Gönguleiðin að Dettifossi og Selfossi orðin snjólaus

Gönguleiðin að Dettifossi er orðin snjólaus.

Göngu­leiðin að Detti­fossi og Sel­fossi er orðin snjó­laus og hef­ur það aldrei áður gerst í apríl, oft eru skafl­ar fram í júní. 

Frá þessu er greint á Fésbókarsíðu þjóðgarðsins Jök­uls­ár­gljúf­urs en þar segir jafnframt að ör­lít­ill raki sé eft­ir á stöku stað en það ætti að þorna næstu daga.

Leiðir norðan Detti­foss eru enn lokaðar, þar á meðal Hafragilsund­ir­lendið.

Einnig er búið að opna veg­inn að Hafragils­fossi, hann er frek­ar gróf­ur og hægt að reka litla bíla niður.

Hitinn fór í 17 gráður inn við Botnstjörn í Ásbyrgi í dag en það hefur verið sól og blíða í Byrginu síðustu daga. Við Botnstjörn er enn snjór og klaki segir á Fésbókarsíðu þjóðgarðsins Jökulsársgljúfurs en þaðan er meðfylgjandi mynd er fengin.