Góður liðsstyrkur til Völsunga

Völsungur hefur fengið góðan liðsstyrk fyrir átökin í 3. deild karla í sumar en Jóhann Þórhallsson hefur gengið í raðir félagsins. 

Fótbolti.net greinir frá þessu og þar segir að þessi reyndi markaskorari hafi spilað níu leiki með Þór í Pepsi-deildinni í fyrra eftir að hafa íhugað að leggja skóna á hilluna. 

Hinn 35 ára gamli Jóhann hefur skorað 100 mörk í 262 deildar og bikarleikjum á ferli sínum. 

Auk þess að spila með uppeldisfélagi sínu Þór þá hefur Jóhann leikið með KR, KA, Grindavík og Fylki á ferli sínum. 

Völsungur féll úr 2. deildinni í fyrra en Páll Viðar Gíslason tók við þjálfun liðsins síðastliðið haust. 

Páll Viðar þekkir Jóhann vel eftir að hafa þjálfað hann hjá Þór undanfarin ár. (fótbolti.net)