Góður gangur á Boga

Rekstur á Boga, öðrum ofni kísilvers PCC á Bakka hefur heilt yfir gengið vel síðustu vikur.

Á fésbókarsíðu fyrirtækisins segir að í lok síðustu viku hafi verið sett framleiðslumet þegar tappað var 57.70 tonnum af kísilmálmi á einum sólarhring.

"Þetta er afar ánægjulegt og sýnir okkur það að reynslan sem starfsfólk hefur hlotið undanfarna mánuði er að skila sér jafnt og þétt í betri rekstri" segir einnig í tilkynningunni.