Gleði og gaman á Þorrablóti

Gleði og gaman á þorrablóti 8. bekkjar.

Þorrablót 8. bekkjar Borgarhólsskóla fór fram 4. febrúar sl. í hátíðarskreyttum sal skólans.

Áralöng hefð er komin á blótið og líkt og áður var um magnað blót að ræða þar sem nemendur buðu foreldrum sínum, og eða öðrum ættingjum, með sér til skemmtunarinnar.

Þorramatnum var að vonum gerð góð skil og lagið tekið undir borðum við undirleik Hólmfríðar Benediktsdóttur.

Skemmtiatriðin voru góð jafnt hjá nemendum sem foreldrum. Þá var stiginn dans en dansæfingar höfðu farið fram dagana á undan.

Hér koma nokkrar myndir sem ljósmyndari 640.is tók og með því að smella á þær er hægt að fletta þeim og skoða í stærri upplausn. Dansinn varð þó endaslepptur þar sem glórulaust veður hafði skollið á á meðan blótinu stóð og þótti skynsamlegast að hafa sig heim meðan fært var.

Rafnar Máni Gunnarsson, Lea Hrund Hafþórsdóttir, Arnar Pálmi Kristjánsson og Snædís Ósk Gunnarsdóttir stóðu sig vel í veislustjórninni.

Hólmfríður Benediktsdóttir lék undir í fjöldasöngnum.

Arnar Pálmi og Rafnar Máni með skemmtiatriði.

Nemendur öttu kappi...

...við foreldra í þrautakeppni.