Gengið á alþjóðleg­um bar­áttu­degi Sam­einuðu Þjóðanna gegn kyn­bundnu of­beldi.

Göngufólkið var á öllum aldri.

Síðdeg­is í gær var gengið frá Húsavíkurkirkju að Kvíabekk en með göngunni var tekið þátt í ár­legri Ljósa­göngu UN Women á alþjóðleg­um bar­áttu­degi Sam­einuðu Þjóðanna gegn kyn­bundnu of­beldi.

Það var Soroptimistaklúbbur Húsavíkur og nágrennis sem stóð fyrir göngunni sem markar upphaf 16 daga baráttu gegn kynbundnu ofbeldi á konum og stúlkum um víða veröld.

Kirkjan, umhverfi Kvíabekks og fleiri staðir voru lýstir upp og skreyttir með appelsínugulu sem er litur átaksins 

Séra Sólveig Halla Kristjánsdóttir sóknarprestur sagði nokkur orð í upphafi göngu þegar að Kvíabekk var komið spilaði Adrienne Denise Davis nokkur lög á þverflautu.

Að því loknu var boðið upp á kaffi og piparkökur áður en Ósk Helgadóttir varaformaður verkalýðsfélagsins Framsýnar flutti ræðu dagsins.

Ræðuna má lesa hér en hér fyrir neðan má líta nokkrar myndir sem ljósmyndari 640.is tók. Með því að smella á þær er hægt að fletta þeim og skoða í hærri upplausn.