Gangsetning fyrri ljósbogaofns kísilvers PCC gekk vel

Gangsetningin í gær gekk vel. Lj. pcc.is

Fyrri ljósbogaofn kísilvers PCC á Bakka var settur í gang í gærkveldi.

Á heimasíðu fyrirtækisins segir að gangsetning Birtu hafi gengið vel.

Til að byrja með er settur straumur á í stuttan tíma í einu, u.þ.b. 5 mín á 30 mín fresti. Tíminn sem straumurinn er settur á er svo aukinn í 10 mín í dag og svo koll af kolli þangað til að stöðugur straumur er á skautunum.

Þetta er gert til að upphitnunin fari ekki of skarpt af stað og fóðringin bakist rétt.  Afgas frá ofninum er sent í gegnum reykhreinsivirkið sem dregur úr mengun og lykt frá upphituninni.

Þó er möguleiki að væg viðarbrunalykt finnist í næsta nágreni við verksmiðjuna við réttar veðuraðstæður í upphitunarfasanum.