Gamall nemur – ungur temur

Fjallasýn hefur góðan tækjakost til snjóhreinsunar

Það er ekki oft sem Rúnar Óskarsson, eigandi ferðaþjónustufyrirtækisins Fjallasýnar stendur á gati þegar kemur að ökutækjum en það gerðist þó nýverið.

Þá ætlaði hann að prófa nýja snjómoksturstæki Fjallasýnar, tvöhundruð hestafla Valtra N dráttarvél. 

„Dráttarvélin er mjög öflug og hentar frábærlega  sem snjóruðnings- og snjóblásturstæki, ökumaðurinn er með góða yfirsýn og stjórntækin eru vel staðsett. Að auki er tækið óvenju lipurt og mjög stöðugt í akstri. Þetta er hins vegar ekki tæki sem hver sem er getur sest upp í og byrjað að nota án leiðsagnar“, segir Rúnar.

Andri Rúnarsson, sonur hjónanna Rúnars og Huldu Jónu starfar í fjölskyldufyrirtækinu og hefur mikinn áhuga á svona tækjum. Það var því Andri sem kenndi pabba sínum í þetta skiptið og má segja að þar hafi hlutverkin snúist við.

„Svona  græjur eru orðnar mikið tölvustýrðar í dag og þar  er sá gamli ekki sá sterkasti “ segir Andri kíminn, og bætir jafnframt við að karlinn hafi verið fljótur að ná tökum á nýjasta tæki Fjallasýnar.

Rúnar hefur stýrt fjölskyldufyrirtækinu Fjallasýn í yfir 30 ár og á fyrirtækið yfir 15 ökutæki til fólksflutninga, mörg hver sérútbúin til fjallaferða. Auk þess á fyrirtækið fjóra dráttarvélar og tvo vörubíla og er vel í stakk búið til að sinna snjómokstri, hálkuvörnum, búslóðaflutningum ofl.

Gamli og nýi tíminn, sú hvíta er nýjasta snjómoksturstæki Fjallasýnar.