06. maí
Fyrirlestur um Þorstein Jósepsson og ljósmyndasafn hansFréttatilkynning - - Lestrar 350
Þorsteinn Jósepsson.
Fyrirlestur um Þorstein Jósepsson og ljósmyndasafn hans verður í Safnahúsinu á Húsavík fimmtudaginn 7. maí kl.13:00.
Inga Lára Baldvinsdóttir safnvörður á Ljósmyndasafni Íslands segir frá Þorsteini og ljósmyndasafni hans.
Inga Lára Baldvinsdóttir hefur starfað við ljósmyndavarðveislu í Ljósmyndasafni Íslands í Þjóðminjasafni um langt árabil.
Á þeim vettvangi hefur hún unnið að ljósmyndasýningum, gefið út og ritstýrt ljósmyndabókum og skrifað greinar um ljósmyndasögu.
Sýningin „Svipmyndir eins augnabliks“, farandsýning frá Þjóðminjasafni Íslands á verkum Þorsteins Jósepssonar stendur nú yfir í sýningarsal í Safnahúsinu. Safn Þorsteins (1907-1967) er eitt stærsta, merkasta og heildstæðasta einkasafn frá síðustu öld sem varðveitt er í Ljósmyndasafni Íslands í Þjóðminjasafni.
Inga Lára ritstýrði útgáfu rits Þjóðminjasafns Íslands um verk Þorsteins, sem gefið var út í tengslum við sýninguna.
Enginn aðgangseyrir – allir velkomnir
640.is á Facebook