Friðgeir Bergsteinsson að gera góða hluti í stórum styrktartónleikum

13. sep

Friðgeir Bergsteinsson að gera góða hluti í stórum styrktartónleikum
Fréttatilkynning - - Lestrar 704

Friðgeir Bergsteinsson.

Friðgeir Bergsteinsson þekkja margir en hann ólst upp á Húsavík og þrátt fyrir ungan aldur hefur hann unnið mikið með þekktustu listamönnum landsins um allt land og aðeins fyrir utan landsbyggðina.

Hann er að gera góða hluti þessa dagana. Hann fékk það flotta verkefni eftir að Ragnheiður Guðfinna Guðnadóttir hafði samband við hann og bað hann að aðstoða sig og hópinn, ÞúGetur til að halda styrktartónleika sem er núna á sunnudagskvöldið. Friðgeir var fljótur til og ákvað að slá til og vera með þetta árið. Hann var skipaður verkefnastjóri tónleikana þetta árið. ÞúGetur er forvarna-og fræðslusjóður, en hann var stofnaður 2008.

Markmið sjóðins er:
- Að styrkja þá til náms sem orðið hafa fyrir áföllum eða hafa átt við geðræn veikindi að stríða.
- Að efla þjónustu við geðsjúka á sviði fræðslu og forvarna.
- Að draga úr fordómum gegn geðsjúkdómum.

Friðgeir segir einnig þau sem að standa að stofnun sjóðsins vonumst að vel takist til og að sjóðurinn verið öflugur ári frá ári. Stofnandi sjóðsins er dr. Ólafur Þór Ævarsson, geðlæknir og í stjórn sitja auk hans, Ása Ólafsdóttir hrl., lögmaður, Siv Friðleifsdóttir alþingismaður og f.v. heilbrigðisráðherra, sr. Pálmi Matthíasson sóknarprestur í Bústaðasókn, dr. Sigurður Guðmundsson f.v. forseti heilbrigðisvísindasviðs Háskóla Íslands og f.v. landlæknir og Ragna Árnadóttir skrifstofustjóri Landsvirkjunar og f.v. dómsmálaráðherra. Ragnheiður Guðfinna Guðnadóttir er framkvæmdastjóri Þú Getur.

Friðgeir segir að þetta sé bæði krefjandi og mikil vinna sem fylgir því að vinna svona stórt verkefni og einnig stór viðurkenning fyrir sig. Þetta væri ekki hægt nema vera með gott fólk kringum sig og segir að vinnan sem slík væri bara frábær, og viðbrögðin sem hann fær frá listafólkinu frábær en listafólkið eru öll að gefa vinnu sína og koma fram á þessum tónleikum. Þau sem koma fram eru td. Högni úr Hjaltalín, Kristján Jóhannson, Björgvin Halldórsson, Hreimur og hljómsveit hans Made in sveitin, Svenni Þór, Regína Ósk, Fjallabræður, Ari Eldján, Ína Valgerður (Húsvíkingur), Alma Rut, Ingunn Hlín, Íris Hólm, Ný Dönsk og fleiri og fleiri.

Friðgeir segir einnig, "Við erum ótrauð í að leggja verkefninu allt það lið sem á okkar valdi stendur og vonumst eftir að sem flestir vilji taka þátt í því með okkur og vill að fólk fjölmenni á tónleikana sem verða núna á sunnudagskvöldið 15.september kl.20.00 í Eldborgarsalnum í Hörpunni - miðasala er á www.midi.is".

"Eitt smátt gerir eitt stórt" segir Friðgeir Bergsteinsson athafnarmaður í lokin sem hlakkar til að sjá allt þetta frábæra listafólk sem koma fram í Hörpu á sunnudagskvöldið. (Fréttatilkynning)

« Til baka