Framkvæmdir hafnar við nýjan leikvöll í Breiðulág

Yfirlitsmynd af leikvellinum

Hafnar eru framkvæmdir við uppsetningu á  nýjum leikvelli í Breiðulág sem fær nafnið Hólaravöllur.

Frá þessu segir á heimasíðu Norðurþings en á leikvellinum verða rólur, niðurgrafin trampolín, gormatæki, skip með tveimur rennibrautum ásamt klifurvegg og fleiri leikjum.

Einnig verður ærslabelgur á leikvellinum. Lagður verður göngustígur að leikvelli ásamt hraðahindrun og upplýstri gangbraut yfir Langholt.

Jarðvinna verður í gangi núna næstu daga og ef allt gegnur vel mun uppsetning tækja, fjaðurlags og yfirborðsefnis geta hafist í næstu viku og tekur sú framkvæmd 2-3 vikur.