Fjölmenni á hrútasýningu á Mærudögum

Fjáreigendafélag Húsavíkur stóð fyrir árlegri hrútasýningu á Mærudögum í gærkvöldi sem var fjölsótt að venju.

Níu glæsilegir hrútar voru til sýnis í ár.

Dómarar kvöldsins komust að þeirri niðurstöðu að Helgi magri væri lang fallegasti unghrúturinn. Eigandi er Haukur Snorrason.

Sigurvegari kvöldsins var Simbi frá Fjárræktarbúinu í Grobbholti. Fyrir þá sem vilja sjá þennan eðalhrút þá hangir mynd af honum uppi á Kaffihúsinu Hérna við Stóragarð. Simbi er frá Búvöllum í Aðaldal.

Áhorfendum gafst kostur á að velja sætasta hrút kvöldsins. Hrúturinn Bakkurs sem er í eigu feðganna Óla Jóns og Aðalsteins Ólafs hlaut kosningu.

Ríkissjónvarpið var á staðnum og fjallaði um sýninguna enda einn vinsælasti viðburðurinn á Mærudögum á hverjum tíma.

Hrútasýningin var fjölmenn að venju.

Hér er hrútaþukl í uppsiglingu.

Simbi var valinn besti hrúturinn.

Helgi magri var besti unghrúturinn.

Bakkus var valinn sætasti hrúturinn.