Björgunarsveitin Garðar fær styrk frá Pennanum

Stefán Franklín og Júlíus Stefánsson.

Í dag opnaði formlega endurbætt bókaverslun á Garðarsbraut 9 á Húsavík undir merkjum Pennans Eymundsson. 

Haldið var upp á opnunina með pompi og pragti og Húsvíkingum boðið til kaffidrykkju og með´í. 

Við þetta tilefni vildi stjórn Pennans styrkja nærsamfélagið og fyrir valinu varð Björgunarsveitin Garðar. 

Í máli Stefáns Franklín, stjórnarformanns Pennans Eymundsson, kom fram að það var álit stjórnenda að Björgunarsveitin Garðar væri einn af hornsteinum samfélagsins við Skjálfanda.

Hann afhenti Björgunsveitarmönnum ávísun upp á 500.000 kr. sem Garðar getur nýtt á þann hátt sem þeir telja komi Húsvíkingum til góða.

Stefán Franklín stjórnarformaður Pennans Eymundsson og Júlíus Stefánsson formaður Björgunarsveitarinnar Garðars.

Gestum og gangandi var boðið upp á kaffi og tertu.

Lilja Björk Þuríðardóttir verslunarstjóri Pennans á Húsavík ásamt fulltrúum fyrirtækisins og Björgunarsveitarinnar Garðars.

Verslun Pennans Eymundsson við Garðarsbraut 9 er 8. starfsstöð fyrirtækisins utan höfuðborgarsvæðisins og jafnframt 16. verslun Pennans Eymundsson. 

Máni Björnsson starfsmaður Pennans við afgreiðslustörf í dag.

Með því að smella á myndirnar er hægt að fletta þeim og skoða í stærri upplausn.