Bennabúð opnuð með pompi og prakt

Einar Halldór, Guðrún og Benóný Valur í Bennabúð.

Bennabúð opnaði með pompi og brakt að Garðarsbraut 39 síðastliðinn föstudagog voru ýmis opnunartilboð í gangi.

Þá var boðið upp á léttar veitingar, tónlistaratriði ofl. skemmtilegt

Að sögn Benónýs Vals Jakobssonar verslunarstjóra hafa viðtökurnar verið framar björtustu vonum en Bennabúð er með vörur frá 66°NORÐUR svo sem útivistarfatnað, sjó- og vinnslufatnað.  Þá eru einnig verslað með vinnufatnað frá Engel í Bennabúð en um er að ræða hágæða danskan vinnufatnað.

“Þá erum við með umboð fyrir Birgisson í hurðum, parketi og flísum. Umboð fyrir Pfaff í ljósum og raftækjum. Umboð fyrir S Helgason í steinplötum á borð og bekki sem og legsteinum. Umboð fyrir Þór í Makita verkfærum og yfirleitt öllu því sem að Þór hf selur. Umboð fyrir Jón Bergsson í heitum pottum og garðskálalausnum.

Öll þessi vara verður til sýnis með einum eða öðrum hætti í búðinni og hún svo pöntuð norður, það má til gamans geta þess að fyrirtækið sem stendur á bakvið Bennabúð heitir einmitt Pöntunarfélag Þingeyinga” Segir Benóný en á næstu misserum munu bætast við mörg fleiri umboð enda hreinlega slegist um að fá að vera með í þessari glæsilegu verslun. 

“Það er hugmynd okkar sem að Bennabúð standa að Þingeyingar geti komið í verslunina og pantað hvað svo sem þeim vantar og það flutt í flestum tilfellum norður þeim að kostnaðarlausu” Segir Benóný Valur en hann ásamt Guðrúnu Einarsdóttir og Einar H. Einarssyni eru eigendur að Bennabúð.

Eigendur Bennabúðar fv. Einar Halldór Einarsson, Guðrún Einarsdóttir og Benóný Valur Jakobsson.

Benóný Valur lýsir kostum flísanna frá Birgisson fyrir Jóni Fr. frænda sínum frá Hömrum.

Guðrún afgreiðir hér fyrsta viðskiptavin Bennabúðar.