Barnabörn Armstrongs afhjúpuðu minnismerki við Könnunarsögusafnið

Afkomendur Neil Armstrong afhjúpa minnisvarðann.

Barnabörn Neil Armstrongs, fyrsta mannsins til þess að stíga fæti á tunglið, afhjúpuðu í gær minnisvarða um æfingar Apollogeimfara á Íslandi fyrir 50 árum síðan.

Það var léttur rigningarúði þegar minnisvarðinn, sem er staðsettur í Villasneiðingnum við hlið Könnunarsögusafnsins í Hlöðufelli, var afhjúpaður og nokkur fjöldi manns samankominn.

Við athöfnina flutti Mark Armstrong stutt ávarp sem og geimfararnir Rusty Schweickhart og Walter Cunn­ing­ham sem greindu stutt­lega frá dvöl sinni á Íslandi en í þessari vikur er hálf öld síðan þeir komu. Þá tók einnig til máls Dr. Jim Rice, en hann stjórn­ar Mars­bíla­verk­efn­um NASA og hef­ur við und­ir­bún­ing þeirra oft heim­sótt Ísland. 

Þá voru þeir ásamt Neil Armstrong í fyrri hópi Apollogeimfaraefna sem komu til Íslands vegna tungl­ferðaáætl­un NASA. Þeir fóru í Öskju í Dyngju­fjöll­um til að kynna sér jarðfræði lands­ins með tungl­ferð í huga.

Örlygur Hnefill Örlygsson safnstjóri Könnunarsögusafnsins sagði í spjall við fréttamann 640.is að heimsókn geimfaranna og samtöl hans við þá síðustu daga og vikur hafi staðfest enn frekar hversu mikilvæg þjálfun þeirra hér á landi var.