Arnþór og Sindri framlengja

Arnþór Hermannsson og Sindri Ingólfsson hafa framlengt samninga sína við Völsung og munu því leika með meistaraflokki karla í 2. deildinni næsta sumar.

Báðir eru þeir uppaldir Völsungar og hafa leikið fjölda leikja fyrir Völsung.

Arnþór Hermannsson skrifaði undir eins ár samning. Arnþór kom til baka í Völsungs síðastliðið vor eftir að hafa verið í herbúðum Þórs á Akureyri. Arnþór hefur leikið 86 leiki í deild og bikar fyrir Völsungs og skorað í þeim leikjum 14 mörk.

Sindri Ingólfsson skrifaði undir tveggja ára samning við Völsung. Sindri hefur leikið 42 leiki fyrir Völsung í deild og bikar en hefur ekki náð að skora. (volsungur.is)

Með þeim á meðfylgjandi myndum af heimasíðu Völsungs er Júlíus Bessason.