Arnar Pálmi og Heiðdís Edda Íþróttafólk Völsungs 2022

Arnar Pálmi og Heiðdís Edda hlaðin verðlaunum.

Arnar Pálmi Kristjánsson knattspyrnumaður og Heiðdís Edda Lúðvíksdóttir blakkona voru kjörin Íþróttafólk Völsungs árið 2022.

Kjörinu var lýst við hátíðlega athöfn í Hlyn í gær en á viðburðinum voru veitt verðlaun fyrir íþróttafólk Völusngs.

Í ár fór kosningin fram með nýju sniði þar sem öllum félagsmönnum gafst kostur á að taka þátt og kjósa um íþróttafólk Völsungs.

Að sögn Jónasar Halldórs Friðrikssonar framkvæmdarstjóra félagsins var kosningaþátttaka með ágætum.

Í kjöri til íþróttaólks ársins voru átta aðilar frá fimm deildum félagsins. Eftirtaldir aðilar voru í kjöri til íþróttafólks Völsungs:

•  Arnar Pálmi Kristjánsson knattspyrnumaður Völsungs 2022
• Aron Fannar Skarphéðinsson bocciamaður Völsungs 2022
• Árdís Rún Þráinsdóttir knattspyrnukona Völsungs 2022
• Dagný Þóra Gylfadóttir bardagakona Völsungs 2022
• Heiðdís Edda Lúðvíksdóttir blakkona Völsungs 2022
• Hólmgeir Rúnar Hreinsson almenningsíþróttamaður Völsungs 2022
• Kjartan Páll Þórarinsson bardagamaður Völsungs 2022
• Sigurður Helgi Brynjúlfsson blakmaður Völsungs 2022

Arnar Pálmi Kristjánsson Knattspyrnumaður Völsungs 2022.

Aron Fannar Skarphéðinsson Bocciamaður Völsungs 2022.

Árdís Rún Þráinsdóttir Knattspyrnukona Völsungs 2022.

Dagný Þóra Gylfadóttir Bardagakona Völsungs 2022.

Heiðdís Edda Lúðvíksdóttir Blakkona Völsungs 2022.

Hólmgeir Rúnar Hreinsson Almenningsíþróttamaður Völsungs 2022.

Kjartan Páll Þórarinsson Bardagamaður Völsungs 2022.

Sigurður Helgi Brynjúlfsson Blakmaður Völsungs 2022.

Íþróttafólk Völsungs 2022 Arnar Pálmi Kristjánsson og Heiðdís Edda Lúðvíksdóttir.

Arnar Pálmi er orðinn algjör lykilmaður í meistaraflokki í knattspyrnu þar sem hann spilaði allar mínutur í mótsleikjum liðsins á síðasta ári. Arnar Pálmi hefur þrátt fyrir ungan aldur nú þegar leikið yfir 100 leiki í öllum keppnum fyrir félagið.

Heiðdís Edda Lúðvíksdóttir var kjörin íþróttakona Völsungs fyrir árið 2022. Heiðdís Edda átti feikilega gott blakár sem endaði á því að hún var kölluð inní A-landsliðið þar sem hún spilaði sinn fyrsta landsleik. Þar að auki tók hún við fyrirliðabandinu hjá meistaraflokki og leiðir lið sitt í toppbaráttu efstu deildar í blaki.

Íþróttafólk Völsungs 2022.

Með því að smella á myndirnar er hægt að fletta þeim og skoða í hærri upplausn.