Álftanes á toppinn

 

Leikurinn fór jafnt af stað en í stöðunni 5-5 í fyrstu hrinu tóku Völsungar á flug og sigldu jafnt og þétt fram úr Álftanesi sem áttu ekki svör við sterkri sókn og vörn heimastúlkna. Völsungur kláraði fyrstu hrinu 25-13.

 

Í hrinu tvö snerist dæmið við og Álftanes var yfir allan tímann og klárði hrinuna 17-25. Völsungar áttu frumkvæðið í byrjun þriðju hrinu en Álftanes jafnaði í 5-5 og létu forystuna ekki af hendi út alla hrinuna sem endaði 20-25 fyrir gestina.

 

Fjórða hrina var spennandi og jöfn allt þar til í stöðunni 19-20 fyrir Álftanes að gestirnir skelltu í lás og kláruðu síðustu 5 stigin og unnu hrinuna og leikinn þar með 1-3. 

 

Álftanes tekur því öll 3 stigin með sér frá Húsavík og tyllir sér með því á topp úrvalsdeildarinnar með 23 stig. 

 

Stigahæstar í liði Völsungs voru Nikkia Benitez með 20 stig og Ana Rita Branco með 14 stig og í liði Álftanes voru það Michelle Traini með 23 stig og Sladjana Smiljanic með 10.