Uppskrift af Mantı frá Ingu Björk

Inga Björk Hafliðadóttir tók við uppskriftakeflinu af Stellu Solis en ekkert verður þó úr tyrkneska lambinu sem Stella minntist á. En rétturinn er samt tyrkneskur og í miklu uppáhaldi hjá Ingu Björk, sérstaklega ef hann heimatilbúinn.

Inga Björk segir að á Ítalíu myndi þetta heita tortellini en á tyrknesku heita þessar deigtöskur "mantı"(ı er tyrkn. i án punkts). En svona er uppskriftin sem er fyrir 4-6 manns og tekur það um tvo tíma allt í allt að elda þennan rétt sem Mantı  nefnist.

Mantı.

Deig:

375 g hveiti

1 egg

vatn

Blanda eggi í hveitið og bleyta í með vatni. Hnoða deigið mjög vel þangað til það er þétt. Skipta deiginu í 2 hluta og láta bíða í hálftíma.

Fylling:

1 laukur

250 nautahakk

2 msk fersk steinselja, hökkuð

salt, pipar

3 msk rósapaprikukrydd (frekar sterkt paprikukrydd)

Saxið laukinn smátt og blandið saman við hakkið ásamt steinselju og kryddi.

Breiðið deigið vel út, hafið það sirka 2 mm. þunnt. Skerið út sirka 3x3 cm langa

ferninga.

Setjið smá hakkfyllingu á hvern ferning og lokið deigtöskunni vel með fingrunum.

Þetta tekur smá tíma en borgar sig.

Setjið vatn í stóran pott og látið suðuna koma upp, saltið og látið deigtöskurnarofan í og sjóðið í 10-15 mín.

Sósa: (Punkturinn yfir i´ið)

4 hvítlauksrif

salt

600 g hrein jógúrt

3 msk smjör

1 tsk rósapaprikukrydd

Merjið hvítlaukinn og setjið í jógúrtina. Salta eftir smekk.

Bræðið smjörið á pönnu og setjið paprikunukryddið í. (Best að gera þetta þegartöskurnar eru tilbúnar)

Þegar deigtöskurnar eru soðnar er vatninu hellt af. Sett á diska, jógúrtsósa ofan á og að lokum paprikusmjör, að vild, látið dropa ofan á.

Verði ykkur að góðu,

afiyet olsun&Guten Appetit

Næst ætla ég að skora á hana Unni systur. Vonast til að fá uppskrift af einhverju góðgæti frá henni :)

Kær kveðja frá Þýskalandi,

Inga Björk.