Grilla­ur sk÷tuselur me­ sweet chili sˇsu og sumarsalati

═ gŠrkveldi bor­a­i Úg svo gˇ­an mat a­ ■a­ hßlfa vŠri nˇg og Štla Úg a­ deila ■essari snilldar uppskrift me­ ykkur hÚr. Ůannig er mßl me­ vexti a­ ■etta

Grilla­ur sk÷tuselur me­ sweet chili sˇsu og sumarsalati
S÷tra­ & snŠtt Ý sŠlunni - Olga Hrund - Lestrar 2051 - Athugasemdir (0)

Sumar Ý sŠlunni - gerist ekki betra!
Sumar Ý sŠlunni - gerist ekki betra!
Í gærkveldi borðaði ég svo góðan mat að það hálfa væri nóg og ætla ég að deila þessari snilldar uppskrift með ykkur hér.

Þannig er mál með vexti að þetta er réttur sem að var sá allra vinsælasti á Gamla Bauk hérna um árið þegar hótelið rak staðinn og ég er búin að vera á leiðinni í mörg ár að prófa að elda hann sjálf. Það gerðist  sem sagt loksins í gærkveldi og það var bara ekkert mál, alveg ótrúlega einfalt meira að segja.


Þetta er alveg einstaklega sumarlegur og yndislegur réttur finnst mér og á hann vel við í allri þessari blíðu sem við erum svo heppin að fá að njóta um þessar mundir. Eina vandamálið kannski við hann er að það er kannski ekkert svo auðvelt að nálgast aðal hráefnið í hann og vil ég því þakka þeim sem gáfu okkur systrum þennan guðdómlega skötusel alveg kærlega fyrir og vonandi prófa þau þessa uppskrift sem allra fyrst.

Þetta er sem sagt grillaður skötuselur á spjóti, marineraður í sweet chili sósu og borinn fram á salati með berjum og ostum. Uppskriftin miðast við fjóra.

Grillteinar – látnir liggja í vatni einhvern tíma
Skötuselur fyrir fjóra – við vorum með tvö flök, veit ekki alveg hvað þau voru þung.
Sweet chili sósa frá Blue Dragon – dipping sauce original
Sveppir
Laukur (við vorum með rauðlauk og skallottulauk)
Lambhagasalat
Rucola salat
Konfekttómatar
Vínber (eiga helst að vera jarðarber og bláber en voru bara ekki til í bænum)
Höfðingi
Piparostur
Ólífuolía

Gott brauð er ekki verra :)

Best er að skera skötuselinn niður í litla bita og raða þeim á grillteina ásamt t.d. sveppum og lauk og velta þessu upp úr sweet chili sósunni og leyfa þessu að marinerast í ca 3 klukkutíma. Síðan er þeim bara hent á grillið í nokkrar mínútur - passið bara að ofgrilla ekki fiskinn. Það er auðvitað hægt að gera hvernig salat sem er með þessu en ég reyndi að hafa það svona eins og mig minnti að það hafði verið á Gamla Bauk og ég mæli svo sannarlega með því. Við vorum bara með stóran og fallegan disk sem að við fylltum með kálinu, niðurskornum konfekttómötum, fullt af vínberjum (mæli samt með að þið prófið jarðarber og bláber ef þau verða einhverntímann til í þessum bæ okkar) og svo er gott að sletta yfir þetta góðri ólífuolíu ásamt smá af sweet chili sósunni. Það má alls ekki gleyma ostunum og ég mæli með að þið notið piparost og höfðingja, blandast alveg ótrúlega vel við berin og allt saman.

Þetta er bara ekki eðlilega góður réttur og ég mæli svo sannarlega með því að þið reynið að finna ykkur skötusel einhversstaðar og prófið þessa uppskrift! Mér finnst að sjálfsögðu alveg nauðsynlegt að hafa ísjökulkalt hvítvín með þessum rétti og í gær vorum við með Lindeman´s Cawarra. Verði ykkur að góðu!

  • Steinsteypir

640.is á |áá ┴byrg­arma­ur Haf■ˇr Hrei­arsson á | áávefstjori@640.isáá | á SÝmi: 895-6744